باكلاش في فرنسا 2024: كودي رودز ونجوم المصارعة يلهبون ليون

باكلاش في فرنسا 2024 راجعة تانى يا جماعة، دبليو دبليو إي راجعة تاني بحدث ضخم بعد النجاح الكبير لريسلمانيا 40 اللي فاتت. المرة دي، العرض هيكون في فرنسا، وتحديدًا في مدينة ليون-ديسين اليوم 4 مايو 2024، في صالة إل دي إل سي أرينا. العرض اسمه “باكلاش“، وهيكون قوي جدًا، فيه ماتشات هتعجبكم جدًا.

باكلاش في فرنسا 2024 ماتش كودى رودز

عرض باكلاش هيبدأ الساعة (7 مساءً بتوقيت مصر) بالعروض التمهيدية، وهيبدأ العرض الرئيسي الساعة 8 مساءً. من أهم الماتشات اللي هتكون موجودة، كودي رودز، بطل دبليو دبليو إي العالمي بلا منازع، هيواجه إيه جي ستايلز في مباراة قوية جدًا.

مباريات قوية أخري فى باكلاش فرنسا

وده مش كل حاجة، فيه ماتشات تانية قوية، زي داميان بريست، بطل العالم للوزن الثقيل في دبليو دبليو إي، اللي هيدافع عن لقبه ضد جاي أوسو. والستات كمان ليهم دور، بايلي، بطلة دبليو دبليو إي للسيدات، هتدافع عن لقبها ضد ناعومي وتيفاني ستراتون.

شاهد حدث باكلاش 2024 بث مباشر من هنا.

ماتش فريق ذا بلودلاين فى باكلاش

  • وفيه كمان ماتش قوي بين فريق ذا بلودلاين، سولو سيكوا وتاما تونغا، ضد كيفن أوينز وراندي أورتن، ماتش فرق هيكون حماسي.
  • كذلك مباراة فريق أسكا وكايري ساين، بطلات دبليو دبليو إي لفرق السيدات، هيدافعوا عن لقبهم ضد بيانكا بلير وجيد كارغيل.

حماس الجمهور وإقبال كبير على التذاكر

الناس بتشتري التذاكر بكثافة، واتباع أكتر من 12,621 تذكرة، فاضل بس 256 تذكرة من أصل 12,977، وده دليل على إن الناس مستنية عودة دبليو دبليو إي لفرنسا بفارغ الصبر.

وبعد النجاح الكبير لعرض سماك داون اللي كان قبل باكلاش بيوم واحد، واللي اتباعت فيه 12,341 تذكرة، فاضل 636 بس، أكيد باكلاش هيكون عرض تاريخي.

توقعات وتساؤلات قبل باكلاش 2024

إيه أكتر ماتش مستنيه في باكلاش فرنسا؟ هل كودي رودز هيقدر يحافظ على لقبه ضد إيه جي ستايلز؟ وهل داميان بريست هيقدر يهزم جاي أوسو ويحتفظ بلقبه؟ قولنا توقعاتك واستنوا العرض الكبير!