اللمبة منورة والكهرباء مفصولة ومتأكد إنى فصلت الكهرباء من الشقة. عايزك تقراء الموضوع ده بتركيز شديد لأنه ممكن يكون سبب فى انقاذ حياتك او حياة حد من حبايبك.
هذا الشرح حصري من شبكة اخباركم هحكى لك تجربتى عن اللمبة منورة حتى والكهرباء مفصولة عن الشقة وسبب اضاءة لمبة led وهي مطفيه وكيفية اصلاحها. من خلال موضوع اليوم الذى بعنوان اللمبة منورة والكهرباء مفصولة 3 نصائح سوف تنقذ حياتك.
اللمبة منورة والكهرباء مفصولة
زى ناس كتير مؤخراً بدأت أعتمد على نفسى فى إصلاح وصيانة الأعطال اللى عندى فى البيت بنفسى. طالما فى استطاعتى أعمل ده. وطبعاً بيكون معايه العدد والأدوات اللى تساعدنى فى التصليح بنفسى. لكن أكيد أنا مجرد شخص عادى هاوى مش محترف، والسهو والخطأ وارد انه يحصل طالما إنى مش محترف.
وفى يوم لقيت اللمبة منورة والكهرباء مفصولة عن الشقة نور بسيط كده من الجنب. رغم إنى متأكد انى فصلت الكهرباء تماماً عن الشقة من لوحة مفاتيح الكهرباء الرئيسية داخل الشقة.
وهنا حبيت أتأكد من إن الكهرباء مفصولة فعلاً ولا لاء. فاشتريت مفك التست عشان أتاكد من سبب ان اللمبة منورة والكهربا مفصولة أو اضاءة اللمبة وهي مطفيه.
فى الأول فصلت كهرباء الشقة بالكامل، وبعدين خلعت اللمبة من مكانها. وبدأت احط سن مفك التست على طرف سلك الكهرباء بتاع اللمبة. والغريب ان لمبة مفك التست نورت. وهنا استغربت بشدة، فقولت طب انا هلمس السلك بطرف صباعى بسرعة للتأكد ان الكهرباء مش واصلة فعلاً “. طبعاً انت متعملش زيي كده لأن دى حركة فيها خطورة “.
وبالفعل بعد ما لمست السلك لقيت ان مفيش كهرباء واصلة. فقومت بتركيب اللمبة مرة تانية، وتوجهت بالسؤال لأحد الاصدقاء الفاهمين فى مشاكل واعطال الكهرباء. قالى انته ارتكبت خطأ كبير وهو إنك لمست السلك وانته حظك انك كنت معزول وواقف على كرسى خشب. لانك لو كنت ملامس الارض برجلك ومش معزول كنت اتكهربت فوراً.
أسباب مشكلة اللمبة منورة والكهرباء مفصولة
فيما يلى أسباب مشكلة اشتعال اللمبة بضوء قليل وهى مطفئة:
- صديقى قالى ان سبب المشكلة دى هى ان مفتاح الكهرباء العمومى اللى فى الشقة راكب على الخط الأرضى مش على خط الكهرباء.
- كذلك قالى ان الموضوع ده غلط جداً وبيستهلك كهرباء كتير كمان وبيرفع استهلاك الكهرباء وبالتالى بيرفع قيمة فاتورة الكهرباء.
- كما قال صديقى ان مشكلة اللمبة منورة ولا يوجد كهرباء. بيكون سببها فى الاساس الكهربائى اللى أسس كهرباء الشقة لانه بيكون شخص غير أمين ومعندوش ضمير.
كما أدعوك الى قراءة موضوع مفيد عن: طريقة توفير استهلاك الكهرباء مع عداد الكارت فى 4 خطوات.
حل مشكلة اشتعال اللمبة بضوء قليل وهى مطفئة
وعشان نحل المشكلة لازم كهربائى يعكس السلك اللى جاى من الخارج الى لوحة المفاتيح اللى فى الشقة ويبدل كذلك مكان السلكين، والموضوع ده بسيط وغير مُكلف. هو مجرد بيكون تبديل سلك مكان السلك التانى فى دقيقة بدون تكسير الحائط او دفع تكاليف اضافة.
لا يفوتك: حل مشكلة انطفاء شاشة التلفزيون عند تشغيل اي جهاز او مفتاح كهربا.
وفى الختام ياصديقى، عايز اقولك انك مش لازم ابداً تستهتر بالموضوع ده. لأنه فعلاً هينقذ حياتك او حياة اى حد من حبايبك، ولازم فوراً تكلم كهربائى عشان يجى يحل لك المشكلة دى. وبكده تنتهى مشكلة اللمبة منورة والكهرباء مش شغاله او اضاءة اللمبة الليد او النيون ” الفلوريسنت ” وهي مطفيه.
