اللمبة منورة والكهرباء مفصولة 3 نصائح سوف تنقذ حياتك

اللمبة منورة والكهرباء مفصولة ومتأكد إنى فصلت الكهرباء من الشقة، عايزك تقراء الموضوع ده بتركيز شديد لأنه ممكن يكون سبب فى انقاذ حياتك او حياة حد من حبايبك، الشرح ده حصري من شبكة اخباركم هحكى لك تجربتى عن اللمبة منورة والكهرباء مفصولة.

انت الآن تبحث عن: سبب اضاءة لمبة led وهي مطفيه وكيفية اصلاحها.

اللمبة منورة والكهرباء مفصولة

أنا شخص زى ناس كتير مؤخراً بدأت أعتمد على نفسى فى إصلاح وصيانة الأعطال اللى عندى فى البيت بنفسى، طالما فى استطاعتى أعمل ده، وطبعاً بيكون معايه العدد والأدوات اللى تساعدنى فى التصليح بنفسى، لكن أكيد أنا مجرد شخص عادى هاوى مش محترف، والسهو والخطأ وارد انه يحصل طالما إنى مش محترف.

وفى يوم لقيت اللمبة منورة والكهرباء مفصولة عن الشقة نور بسيط كده من الجنب، رغم إنى متأكد انى فصلت الكهرباء تماماً عن الشقة من لوحة مفاتيح الكهرباء الرئيسية داخل الشقة.

وهنا حبيت أتأكد من إن الكهرباء مفصولة فعلاً ولا لاء، فاشتريت مفك التست عشان أتاكد من سبب ان اللمبة منورة والكهرباء مفصولة أو اضاءة اللمبة وهي مطفيه.

فى الأول فصلت كهرباء الشقة بالكامل، وبعدين خلعت اللمبة من مكانها وبدأت احط سن مفك التست على طرف سلك الكهرباء بتاع اللمبة، والغريب ان لمبة مفك التست نورت، وهنا استغربت بشدة، فقولت طب انا هلمس السلك بطرف صباعى بسرعة للتأكد ان الكهرباء مش واصلة فعلاً ” طبعاً انت متعملش زيي كده لأن دى حركة فيها خطورة “.

وبالفعل بعد ما لمست السلك لقيت ان مفيش كهرباء واصلة، فقومت بتركيب اللمبة مرة تانية، وتوجهت بالسؤال لأحد الاصدقاء الفاهمين فى مشاكل واعطال الكهرباء، قالى انته ارتكبت خطأ كبير وهو إنك لمست السلك وانته حظك انك كنت معزول وواقف على كرسى خشب، لانك لو كنت ملامس الارض برجلك ومش معزول كنت اتكهربت فوراً.

سبب مشكلة اللمبة منورة والكهرباء مفصولة

صديقى قالى ان سبب المشكلة دى هى ان مفتاح الكهرباء العمومى اللى فى الشقة راكب على الخط الأرضى مش على خط الكهرباء، وقالى ان الموضوع ده غلط جداً وبيستهلك كهرباء كتير كمان وبيرفع استهلاك الكهرباء وبالتالى بيرفع قيمة فاتورة الكهرباء.

أدعوك الى قراءة موضوع مفيد عن طريقة توفير استهلاك الكهرباء مع عداد الكارت فى 4 خطوات

وقال صديقى كمان ان مشكلة اللمبة منورة ولا يوجد كهرباء بيكون سببها فى الاساس الكهربائى اللى أسس كهرباء الشقة لانه بيكون شخص غير أمين ومعندوش ضمير.

حل مشكلة اللمبة منورة ولا يوجد كهرباء

وعشان نحل المشكلة لازم كهربائى يعكس السلك الجاى من الخارج الى لوحة المفاتيح اللى فى الشقة ويبدل مكان السلكين، والموضوع ده بسيط وغير مُكلف، هو مجرد بيكون تبديل سلك مكان السلك التانى فى دقيقة بدون تكسير الحائط او دفع تكاليف اضافة.

شوف الموضوع ده كمان هينفعك حل مشكلة انطفاء شاشة التلفزيون عند تشغيل اي جهاز او مفتاح كهربا

وفى النهاية ياصديقى عايز اقولك انك مش لازم ابداً تستهتر بالموضوع ده لانه فعلاً هينقذ حياتك او حياة اى حد من حبايبك، ولازم فوراً تكلم كهربائى عشان يجى يحل لك المشكلة دى وبكده تنتهى مشكلة اللمبة منورة والكهرباء مش شغاله او اضاءة اللمبة الليد او النيون ” الفلوريسنت ” وهي مطفيه.