تغيير الوقت والتاريخ فى كاميرات المراقبة، اليوم هحكيلك تجربتى فى حل مشكلة تغيير الوقت والتاريخ فى كاميرات المراقبة DVR او NVR. المشكلة دى كانت مضيقانى جداً بصراحة ومكنتش لاقى ليها حل. والنهارده هقولك على حل نهائى لمشكلة تغيير الوقت والتاريخ فى كاميرات المراقبة بكل بساطة من خلال شبكة اخباركم.
تغيير الوقت والتاريخ فى كاميرات المراقبة
كنت اشتريت من فترة جهاز هيك فيجن دى فى ار Hikvision dvr، الجهاز كان شغال تمام مفيش اى مشكلة. وبعد فترة بدأت الاحظ ان كل ما الكهرباء تقطع او تنفصل عن جهاز dvr.
بيبدأ الجهاز يعمل اعادة تعيين او تغيير للوقت والتاريخ اللى فى الجهاز الى الاعدادات الافتراضية مرة تانية. وبحثت عن حل مشكلة تغيير التاريخ وأيضا التوقيت فى كاميرات المراقبة، وأخيراً لقيت الحل واكتشفت انه بسيط جداً.
سبب تغيير الساعة و التاريخ فى DVR او NVR
المشكلة هتلاقى ان سببها حاجة بسيطة جدًا وهى بطارية الجهاز او الحجارة اللى بتكون موجودة على البوردة الخاصة بجهاز dvr او على بوردة أى جهاز ديفى ار بشكل عام. البطارية دى لما بتشطب او تنتهى صلاحيتها هى اللى بتكون سبب تغيير التاريخ والتوقيت من تلقاء نفسه فى كاميرات المراقبة.
لا يفوتك: حل مشكلة عدم التسجيل فى كاميرات المراقبة dvr.
شاهد أيضًا: حل مشكلة انطفاء شاشة التلفزيون عند تشغيل اي جهاز او مفتاح.
تابع معايه بقى عشان هقولك على حل مشكلة تغيير الوقت والتاريخ فى كاميرا المراقبة بكل بساطة.
خطوات حل مشكلة تغيير الوقت والتاريخ فى كاميرا المراقبة
- افصل الكهرباء عن جهاز الدى فى ار dvr او NVR.
- كذلك افتح غطاء الجهاز من خلال فك البراغى ” المسامير ” بالمفك المناسب.
- اعرف نوع وشكل ورقم البطارية او الحجارة الموجودة فى الجهاز.
- كما يجب بطارية او حجارة بديلة تحمل نفس رقم ومقاس وفولت البطارية القديمة.
- بأكد على النقطة السابقة لازم البطارية الجديدة تكون نفس رقم ومقاس وفولت البطارية القديمة.
- كذلك يجب استبدل البطارية القديمة بحذر شديد وتركيب البطارية الجديدة.
- قم بتقفيل جهاز الدى فى ار dvr او NVR مرة اخري كما كان.
- عليك توصيل الكهرباء مرة اخري للجهاز.
- قم بضبط التاريخ والوقت مرة اخري ثم احفظ الاعدادات الجديدة.
وبعد عمل جميع الخطوات السابقة بنجاح، سوف تلاحظ انه عند فصل التيار الكهربائى عن جهاز الدى فى ار dvr او NVR. لن يتغير التاريخ او الوقت مرة اخري وسوف يظل كما ضبطه انت. تذكر ان العمر الافتراضى للبطارية غالبا يكون سنتين اثنين على الاكثر.
وعليك بعدها تغيير البطارية حتى لا تتعرض لنفس مشكلة تغيير الوقت من تلقاء نفسه فى كاميرات المراقبة DVR مرة اخري.
