طريقة عمل سوفت وير رسيفر كيوماكس 999 لعام 2023

طريقة عمل سوفت وير رسيفر كيوماكس 999 لعام 2023 بسيطة للغاية، فى بعض الاحيان نقوم بتنزيل احدث ملف قنوات نايل سات عربى كيوماكس من الانترنت. واثناء تثبيت ملف تحديث القنوات تجد انه غير متوافق مع نوع الرسيفر الخاص بك، وتتفاجئ بأن الرسيفر توقف عن العمل. وهذا معناه ضرورة عمل سوفت وير للرسيفر، ولذلك اقدم لك عبر شبكة اخباركم طريقة عمل سوفت وير رسيفر كيوماكس 999.

طريقة عمل سوفت وير رسيفر كيوماكس 999

فى بداية حديثنا عن طريقة عمل سوفت وير رسيفر كيوماكس 999، ملحوظة هامة، ملف السوفت وير الذى سوف نقوم باستخدامه فى هذا الشرح يستخدم فقط مع ريسيفر كيوماكس الكبير موديل Qmax-mst-999 h1 g3. بمعنى انه للريسيفر الكبير وليس المينى.

اسباب سقوط سوفت وير الرسيفر

لو قومت بتثبيت ملف قنوات غير متوافق مع نوع الريسيفر الخاص بك، هتلاقى الريسيفر توقف عن العمل. ومش بيستجيب لأى شىء ده معناه ان السوفت وير سقط ومحتاج سوفت وير جديد. ولذلك سوف اشرح لك طريقة عمل سوفت وير رسيفر كيوماكس 999.

خطوات عمل سوفت وير لرسيفر كيو ماكس 999

• أولاً عليك تحميل ملف السوفت وير من هنـا، إنسخ الرابط فى المتصفح واذهب إليه للتحميل ( https://bit.ly/49Z2Ttk ).
• بعد ذلك قُم بفك الضغط عن ملف السوفت وهتاخد الفولدر اللى اسمه Files وهتنزله على فلاشه تكون مفرمتها على نظام FAT32.
• المشكلة ان نظام ويندوز 10 او 11 الجديد مبقاش يدعم فورمات بنظام FAT32.
• وعشان تحل المشكلة دى هتفرمط الفلاشة باستخدام برنامج Rufus ” شاهد الصورة التالية فيها الشرح “. تقدر تحمل برنامج روفوس من هنا إنسخ الرابط فى المتصفح واذهب إليه للتحميل ( https://rufus.ie/en ).

• وبعد اتمام عمل فورمات للفلاشة بنظام FAT32 ادخل على الفلاشة واحذف الملفات اللى نزلت تلقائى بداخلها وحط مكانها ملف السوفت.
• يعنى الفلاشة لازم تفرمطها الاول وتحط فيها فولدر السوفت اللى بإسم Files ويكون لوحده وهيكون جواه طبعا ملف السوفت وير اللى اسمه GxRom.bin.
• وبعدين تفصل الكهرباء عن الريسيفر خالص وبعدين تدخل الفلاشة فى الريسيفر.
• وبعدين توصل الكهرباء للريسيفر وفى نفس لحظة توصيل الكهرباء للريسيفر تضغط بسرعة ضغطة طويلة على زرار باور POWER اللى فى واجهة الريسيفر وتخليك ضاغط.
• لغاية مايظهر قدامك شاشة تقولك انه يتم تحميل السوفت وير شيل صباعك دلوقتى بقى من على زرار الباور وسيبه يحمل السوفت وير لغاية ما يخلص.

وبعد اتمام نجاح عملية تثبيت ملف السوفت وير الى الرسيفر، استنى شويه لغاية ما تظهر قدامك قائمة الريسيفر لكن هتكون باللغة الانجليزية. وسوف اشرح لك فى التالى طريقة تغيير لغة ريسفر كيو ماكس 999 من اللغة الانجليزية الى اللغة العربية.

طريقة تغيير لغة ريسفر كيو ماكس 999 الى العربية

1. اضغط على System setting.
2. ثم System.
3. ثم من أول خيار إضغط اوك.
4. والأن اختر اللغة العربية ثم اضغط Exit من الريموت للخروج.
5. وبعدين قُم بتحميل ملف كيومكس نايل سات بتاريخ اليوم من هنا ، وضع الملف داخل الفلاشة، ونزلها مرة تانية بالطريقة اللى انت عارفها.
6. ولو متعرفش الطريقة هسيبلك لينك فى اخر الموضوع بالشرح.

لا تفوتك: طريقة اضافة تردد جديد على رسيفر كيو ماكس Qmax 999.

وإلى هنا اكون قد اوضحت لك طريقة تحميل وتثبيت سوفت وير رسيفر كيو ماكس 999 لعام 2023.