جدري القرود 4 نصائح لتجنب عدوي النسناس
جدري القرود 4 نصائح لتجنب عدوي النسناس، الوباء الجديد الذى يهدد البشر، اكتشفوا حالات كتيرة جداً اتصابت بالعدوى فى اوروبا ومختلف دول العالم، واحنا النهارده هنتكلم عن جدري القرود من خلال شبكة اخباركم.
جدري القرود
المانيا وصفت تفشى فيروس جدري القرود او عدوي النسناس بأنه أكبر مرض يتفشى فى دول اوروبا فى العهد الحديث، لأن جدري القرود وصل الى 5 دول ف اوروبا من بينها بريطانيا، اسابنيا، البرتغال، المانيا و ايطاليا. دة غير حالات جدري القردة اللى اكتشفوها فى كندا واستراليا زى ما قالت شبكة سى ان ان الامريكية.
العلماء اكتشفوا فيروس جدري القردة لأول مرة فى البشر عند ولد عمرة 9 سنين فى جمهورية الكونغو سنة 1970 فى منطقة كان اكتشف فيها فيروس كان انتشر وسط القرود قبلها بسنتين. ومن بعدها تم تبليغ بكذا حالة والبلد بقت موبوئة بالفيروس دة.
ما هو جدري القرود
منظمة الصحة العالمية قالت ان ” جدرى القردة ” او ما يسمى عدوي النسناس مرض فيروسى خفيف اعراضة هتبقى حمى (سخونيه) مع ظهور طفح جلدى. والفيروس دة طلع بيتنقل من القرود للبشر والعلماء مكانوش يتوقعوا انة يخرج برة افريقيا لكن للاسف اول حالة وصلت اوروبا كانت لشخص راجع من نيجيريا، ومن ساعتها الحالات عمالة بتزيد.
هل جدري القرود او عدوي النسناس وباء عالمى
- العلماء كتر خيرهم طمنونا ان العدوى بيه مش هتتطور لوباء زى كوفيد-19 لان المرض مش بينتشر بسهولة زى ما كان سارس وكوفيد بيتنقلوا.
- بس عشان تبقى فاهم برضو، مفيش لقاح محدد لجدرى القردة لكن المعلومات المتوفرة دلوقتى بتوضح ان اللقاحات اللى بنستخدمها للجدرى دلوقتى فعالة بنسبة توصل ل 85% ضد جدرى القردة.
- فى بريطانيا طعموا كل الطاقم الطبي اللى شغالين فى وزارة الصحة، واللى ممكن يتعرضوا لخطر الاصابة بجدرى القردة زى افراد المطارات والحجر الصحى اللى شغالين فى معامل اكتشاف الفيروسات بلقاح الجدرى احتياطى.
هل جدري القرود ينتقل من الحيوان الى الانسان
طيب انت قولت فوق انة بيتنقل بين الحيوان والانسان .. ازاى يعنى؟ فى افريقيا بياكلوا القرود مثلا ؟
طبعا لا، لكن الاصابة بتحصل لو حصل مخالطة مباشرة لدم الحيوان المصاب بجدري القردة او اى سوائل من جسمة وكان معروف عند قبائل افريقيا تقديم قرابين حيوانية او حتى رسم وشم بدماء الحيوانات.
وبيتنقل من انسان لانسان بنفس الفكرة ( سوائل الجسم ).
ما هي اعراض جدري القردة او عدوي النسناس
- الحمى.
- الصداع الشديد.
- التعب والارهاق العام.
- وجع فى الظهر.
دلوقتى عايزين نتناول اعراض جدري القردة بالتفصيل اكتر شويه عشان تفهموا.
شوف يا عزيزى، فترة حضانه الفيروس ده ( هى الفترة الفاصلة بين مرحلة الاصابة بالفيروس وبين مرحلة ظهور الاعراض ) وبتكون من 5 الى 21 يوم.
ونقدر نقسم العدوى بجدري القردة الى فترتين:
الأولى: فترة الغزو ( من صفر يوم ل 5 ايام ) ودى اشهر ما فيها الحمى والصداع الشديد والتعب و وجع فى الظهر.
الثانية: فترة ظهور الطفح الجلدى واللى بيبدا ف اغلب الاحيان فى الوش وبعد كدة ينتشر لاجزاء تانية من الجسم وبيتطور خلال 10 ايام ويوصل لمرحلة فقاعات او حويصلات.
وغالبا الاطفال هما اضعف حلقة اللى بيصابوا بية اكتر من البالغين ودة حسب مدى التعرض للفيروس والوضع الصحى وشدة المضاعفات.
الفرق بين مرض الجدري العادى وجدري القردة
- طيب هو ازاى هنقدر نفرق لو حصل لا قدر الله اصابة بين جدرى القردة والجدرى العادى اللى معظم الاطفال بتصاب بية فى طفولتها؟.
- طبعا لازم نستبعد الامراض التانية اللى بتسبب طفح جلدى زى الجدرى، والجدرى المائى، والحصبة ، والجرب و اى نوع مرض تانى ودى اللى بيقدر يميزها هو دكتور الجلدية.
- لكن مينفعش اشخص جدرى القردة بشكل قاطع الا فى المعامل وباختبارات معينة للفصل بين انواع الفيروسات وزرع الفيروسات للتاكيد ان هو جدرى القردة او فيروس تانى.
تسجيل اول حالة من جدري القرود
فى يوم 23 مايو 2022 تم اكتشاف وتسجيل أول حالة مصابة بفيروس جدري القردة او عدوي النسناس فى سوريا.
نصائح لتجنب الإصابة بعدوى جدري القردة او النسناس
- طرق تجنب الإصابة بجدري القردة لا تختلف كثيراً عن فيروس كورونا.
- وفى حالة شعور المريض بنفس اعراض كورونا، يجب عليه فى هذه الحالة عزل نفسه.
- ثم التوجه إلى أقرب مركز صحي، مع ضرورة تجنب لمس الأسطح المحيطة التى قد تكون ملوثة.
- إضافة لضرورة إرتداء كمامة وغسل اليدين بشكل مستمر إذا كنت مُخالط شخص مريض فى العزل.
الوقاية من جدرى القردة على مستوى الدولة
- أولاً المطار عليه دور كبير جداً لانة بوابة الدخول للبلاد.
- ثانياً لازم الحجر الطبى يكون مستعد للكشف على او حد جاى من منطقة اتعرف ان الفيروس انتشر فيها او حتى سجلت حالة واحدة.
- كمان بالنسبة للحيوانات اللى بتدخل البلاد لازم يتم الكشف عليها كويس جدا والتاكيد على انها سليمة من اى نوع من الفيروسات او الامراض.
- أيضاً نقدر كمان نطعم الاطباء واى حد هيكون فى مواجهة مباشرة مع الفيروس بتطعيم الجدرى احتياطى، بريطانيا مش احسن مننا، ولا اية ؟
- ومن المهم عدم الاختلاط الجسدى مع الغرباء في هذه الفترة، خاصة فترة انتشار وغموض المرض في البدايات.
وأخيرا لازم نوعى الناس بالفيروس ونفهمهم كل حاجة عنة بشكل يخليهم يحذروا من الفيروس لتجنب الإصابة به.
كتابة دكتورة: شيرى وهيب.
